Kuman: «To'p bizda bo'lsa, Ronaldu hech narsa qila olmaydi»

Gollandiya terma jamoasi bosh murabbiyi Ronald Kuman UEFA millatlar ligasi finalida bo'ladigan Portugaliyaga qarshi o'yin oldidan o'z fikrlarini bildirib o'tdi.

«Yakshanba kuni bizni ajoyib sinov kutib turibdi. Nazarimda, yarim finalda Shveytsariya terma jamoasi Portugaliyaga nisbatan yaxshiroq o'ynagan edi, lekin Ronaldu aqlbovar qilmas futbolchi ekanini yana bir marta isbotladi.

Portugaliyaga qarshi o'yinda to'pni nazorat qilishimiz kerak. Agar to'p bizda bo'lsa, Ronaldu hech narsa qila olmaydi. Biz ulardan kuchlimiz, deb ayta olmayman. Ammo o'z darajamizda harakat qilsak, g'alaba qozonishimiz mumkin», – dedi Kuman.

Portugaliya – Gollandiya o'yini 9 iyun kuni Toshkent vaqti bilan 23:45da boshlanadi.