Engil atletikachilarimiz Xitoy Gran-prisida oltin va bronza medallarini qo'lga kiritishdi
/ Kiritdi: BestMaster Ko'rilgan: 1089
Ayni kunlarda Xitoyning Tszyan Tszin va Tszyulunpo shaharlarida engil atletika bo'yicha Osiyo Gran-pri turniri bo'lib o'tmoqda. Ayni paytga kelib, musobaqaning birinchi bosqich bellashuvlari yakunlandi. Quvonralisi, ushbu musobaqada ishtirok etayotgan 3 ishtirokchimizdan 2 nafari bosqichni medal bilan yakunlashdi. Balandlikka sakrash bahsida Nadiya Dusanova 1.89 metr natija bilan oltin medalni qo'lga kiritgan bo'lsa, Ruslan Qurbonov uch hatlab sektorida shohsupaning uchinchi pog'onasiga ko'tarildi. 100 metrga yugurish bellashuvida esa Nigina Sharipova to'rtinchi natijani qayd etgan. Reglamentga ko'ra 7 iyun kuni Gran-prining ikkinchi bosqichi bo'lib o'tadi. Batafsil:
Balandlikka sakrash, ayollar
1. Nadiya Dusanova – 1.89 metr
2. Nadejda Dubovitskaya (Qozog'iston) – 1.86
3. Van Tsueyi (Xitoy) – 1.83
Uch hatlab sakrash, erkaklar
1. Fan Yaotsin (Xitoy) – 17.17 metr
2. Tsu Chialon (Xitoy) – 16.72
3. Ruslan Qurbonov – 16.33
100 metr, ayollar.
1. Olga Safronova (Qozog'iston) – 11.54 sekund
2. Kristina Knott (Filippin) – 11.62
3. Le Tu Chinx (Vetnam) – 11.71
4. Nigina Sharipova – 11.79
Bosh sahifaga
239