Spiegel jurnalisti: «Ronaldu ishi hali yopilmadi, u federal sudga yuborildi»

«Yuventus» hujumchisi Krishtianu Ronalduga qo'yilayotgan jinsiy zo'rlash bilan bog'liq ish hali yopilmagan, deya xabar tarqatdi Spiegel nashri jurnalisti Rafael Bushmann.

Unga ko'ra, Ketrin Mayorganing advokati bu ish yuzasida federal sudga murojaat qildi.

Avvalroq, bundan bir oy oldin Las-Vegas sudiga mazkur ishni yopish borasida ariza kelib tushgani haqida ma'lumot tarqatilgan edi.

Ma'lumot o'rnida. 2018 yilning oktyabr oyida AQShlik ayol Ketrin Mayorga bayonot berib, 2009 yilda Las-Vegasdagi mehmonxonada Krishtianu Ronaldu o'zini zo'rlagani haqida ma'lumot tarqatdi. Shu bilan birgalikda, ayolning aytishicha, Ketrin bu masalada sudga murojaat qilmasligi uchun portugaliyalik futbolchi o'sha paytda unga 375 ming dollar pul belgan.