Ronaldu «Yuventus»ni Sarri boshqarishiga rozilik berdi

«Yuventus» hujumchisi Krishtianu Ronaldu italiyalik mutaxassis Mauritsio Sarri jamoa bosh murabbiyi lavozimini egallashiga rozilik berdi.

Tuttosport tarqatgan xabarga ko'ra, portugaliyalik futbolchi hujumkor futbol tarafdori bo'lgan 60 yoshli murabbiy bilan birga ishlashga qarshi emas. Ronaldu kelasi mavsumda Sarri qo'lostida o'zining to'purarlik qobiliyatini yaxshilamoqchi. Krishtianu ushbu mavsumda 43ta o'yinda maydonga tushib, 28ta gol urdi.

Avvalroq «Yuventus» Sarrini «Chelsi»dan 5 million funtga sotib olishga tayyor ekani haqida xabarlar tarqalgandi.