Rasman. «Liverpul» ikki futbolchi bilan xayrlashdi

Himoyachi Alberto Moreno va hujumchi Daniel Starrij «Liverpul»ni tark etishdi. Bu haqda klub rasmiy sayti xabar tarqatdi.

Ikkala futbolchi bilan tuzilgan shartnoma yakuniga etdi va ular erkin sifatida jamoa bilan xayrlashishdi.

29 yoshli Starrij 2013 yildan beri «Liverpul» safida 160ta o'yinda maydonga tushib, 67ta gol urdi. 26 yoshli Moreno esa «Liverpul» tarkibiga 2014 yilda qo'shilgan bo'lib, 141ta o'yinda maydonga tushib, 3ta gol urdi.