Sarri: «Ajrashgan xotiningga nisbatan vafodor bo'lishing kerakmi?»

«Chelsi» bosh murabbiyi Mauritsio Sarri Italiya qaytishi mumkinligiga ishora qilib o'tdi. Eslatib o'tamiz, italiyalik mutaxassis «Yuventus»da ish boshlashi mumkinligi haqida OAVda xabarlar tarqatilgan edi.

«Biz italiyaliklarda uyga qaytish ishtiyoqi yuqori bo'ladi. Xorijda yurganingda nimadir etishmayotganini his qilasan. Yil og'ir o'tdi. Do'stlarim va yoshi ulug' ota-onamning qadri bo'lindi.

Lekin bu yoshda men faqat professional nuqtai nazardan tanlovni amalga oshiraman. Neapolliklar ularga nisbatan muhabbatim qay darajada ekanini bilishadi.

Italiyaning boshqa jamoasiga o'tmaslik uchun o'tgan yili men xorijga yo'l olgandim. Murabbiylik kasbi boshqa yo'llarga boshlashi mumkin, ammo «Napoli»ga bo'lgan munosabatim o'zgarmaydi.

Klub safida bo'larkansan, sen 110 foizga sodiq bo'lishing kerak. Vafodorlik nima degani? Agar klub sendan voz kechgan bo'lsa-chi? Bunday holatda sen nima qilasan? Ajrashgan xotiningga nisbatan sodiq qolasanmi?» – dedi Sarri.

2018 yilning yozida Sarri «Chelsi»ni boshqaruviga kelgan edi. Londonliklar uning boshqaruvi ostida Evropa ligasida g'olib chiqishdi va APLda 3-o'rinni qo'lga kiritishdi.