«Barselona»ning sobiq o'yinchisi 14 oy qamoqqa hukm qilindi

Turkiyaning «Beshiktosh» klubi himoyachisi Adriano Korrea soliqlarni to'lamaganlikda ayblanib, 14 oy ozodlikdan mahrum etishga hukm qilindi. Bu haqda «Sovetskiy sport» yozmoqda. 

«Sport.es» nashri esa futbolchi Ispaniyada o'ynagan vaqti jami 650 ming evromiqdorida soliqlarni to'lashdan bo'yin tovlagani haqidagi faktni ochiqlagan. 

Lekin ispan qonunchiligi bo'yicha, muddat 24 oydan oshmasa, u ma'muriy xarakterda hisoblanadi. Shuningdek, Adriano 1 million evro miqdorida jarima ham to'laydi. 

34 yoshli braziliyalik futbolchi «Sevilya» va «Barselona»da o'ynagan, to'rt marta Ispaniya chempioni bo'lgan. U 2016 yilda «Beshiktosh»ga 800 ming evro evaziga o'tgandi.