Platini «Oltin to'p» uchun asosiy da'vogarni aytdi

UEFA sobiq prezidenti Mishel Platini «Oltin to'p» uchun kurash qaysi futbolchilar o'rtasida kechishi haqida o'z fikrini aytib o'tdi.

«Nazarimda, Lionel Messi – asosiy nomzod. Undan keyingi pog'onada Krishtianu Ronaldu kelmoqda. Lekin hali oldinda muhim musobaqalar bor. Yakunlangan mavsumda Messi o'yin saviyasi bo'yicha barchadan ustun bo'ldi.

Mbappe? U Messi va Ronalduning izdoshi bo'lishi mumkin. U menga Ronaldoni yodga solmoqda. Muvaffaqiyatga erishish uchun unda barcha xislatlar bor. U Frantsiyaning eng yaxshi futbolchisi», – dedi Platini.

Eslatib o'tamiz, 2018/19 mavsumda Messi «Oltin butsa» sohibi va Evropa chempionlar ligasining eng yaxshi to'purariga aylandi. Mbappe esa Frantsiya chempionatining eng yaxshi to'purari bo'ldi.