Umid Ahmadjonov Parijda davom etayotgan OFK kongressida ishtirok etmoqda

Ertaga 5 iyun kuni Frantsiya poytaxti Parij shahrida FIFaning 69-Kongressi ish boshlaydi. Bugun ana shu kongressdan oldin turli qit'a futbol konfederatsiyalarining kongresslari bo'lib o'tmoqda.    Osiyo futbol konfederatsiyasining navbatdan tashqari kongressida tashkilotga a'zo futbol assotsiatsiyalari rahbarlari qatorida O'zbekiston futbol assotsiatsiyasi Birinchi vitse-prezidenti Umid Ahmadjonov ham qatnashmoqda.   Kongress davomida bir qator masalalar ko'rib chiqiladi hamda muhokama qilinadi. Jumladan, OFKning 2018 yilga faoliyati tahlil qilinadi va 2019 yilga rejalar bo'yicha fikr almashiladi. Shuningdek, Jahon chempionati - 2022 musobaqasiga tayyorgarlik masalalari borasida ham so'z yuritiladi. Moliyaviy masalalar bo'yicha auditorlarning hisobotlari tinglanadi.    OFKning kongressida yuqori martabali ishtirokchilar qatorida FIFA prezidenti Janni Infantino ham qatnashayotganini ta'kidlab o'tish zarur.