Kuman «Oltin to'p»ga munosib futbolchini aytdi. U Messi emas
/ Kiritdi: BestMaster Ko'rilgan: 796
Gollandiya terma jamoasi bosh murabbiyi Ronald Kuman 2019 yilda «Oltin to'p»ga munosib futbolchini aytib o'tdi.
«Virjil van Deyk «Oltin to'p»ga munosib o'yin ko'rsatdi. Odatda bu sovrin ko'p gol urgan yoki golli paslarni bergan futbolchiga beriladi. Lekin, agar uni himoyachiga berish kerak bo'lsa, uni hozir amalga oshirish mumkin. Lionel Messi – eng yaxshi futbolchi. Lekin, mening fikrimcha, nufuzli musobaqada jamoa bilan birga g'olib chiqish lozim», – dedi Kuman.
Ma'lumot o'rnida. Van Deyk Evropa chempionlar ligasi final bahsining eng yaxshi o'yinchisi deb tan olindi.
Shu paytgacha himoyachilar orasida «Oltin to'p»ni Frants Bekkenbauer (1972, 1976), Lotar Matteus (1990), Mattias Zammer (1996) va Fabio Kannavaro (2006) qo'lga kiritishgan.