Rasmiy xabar: Kexill «Chelsi»ni tark etdi

Londonning “Chelsi” klubi rasmiy sayti himoyachi Gari Kexillning jamoadan ketganini e'lon qildi.

Ma'lumot uchun, 33 yoshli futbolchining “aristokratlar” bilan amaldagi shartnomasi 30 iyunda o'z nihoyasiga etadi va shu bois u jamoani erkin agent sifatida tark etdi.

Eslatib o'tamiz, Kexill “Chelsi” sharafini 2012 yildan buyon himoya qilib kelayotgan edi. U o'tgan davr mobaynida londonliklar safida jami 290 ta o'yinda maydonga tushdi va o'z hisobiga 25ta gol hamda 7ta golli uzatma yozdirib qo'yishga erishdi.