Neymar jinsiy zo'ravonlik haqidagi ayblovga munosabat bildirdi

«PSJ» hujumchisi Neymar o'ziga nisbatan qo'yilayotgan jinsiy zo'ravonlik haqidagi ayblovlarga munosabat bildirdi.

«Zo'ravonlik ayblovi bilan shaxsiy hayotimga va oilamga ta'sir o'tkazishga harakat qilishmoqda», – deya yozdi futbolchi o'zining instagramdagi sahifasi orqali.

Avvalroq braziliyalik ayol politsiyaga murojaat qilib, Neymar o'ziga nisbatan jinsiy zo'ravonlik qilgani yuzasidan shikoyat yozgani haqida xabarlar tarqaldi. Ularning uchrashuvi 15 may kuni Parijdagi Sofitel Paris Arc de Triomphe mehmonxonasida ro'y bergan.

Futbolchi hozirda Braziliya terma jamoasi safida Amerika kubogi-2019ga tayyorgarlik ko'rmoqda.