Hududiy bolalar va o'smirlar futbol akademiyalari o'rtasidagi O'zbekiston chempionati 7-tur o'yinlari anonsi

O'zbekiston futbol assotsiatsiyasi tomonidan istiqbolli va iqtidorli futbolchilarni turli yosh toifadagi milliy terma jamoalar hamda professional futbol klublari uchun tayyorlab borish maqsadida bir qator chora-tadbirlar amalga oshirilmoqda.
 
Jumladan, mamlakatimiz tarixida ilk bor O'zbekiston futbol assotsiatsiyasi huzuridagi Qoraqalpog'iston Respublikasi, viloyatlar va Toshkent shahar bolalar-o'smirlar futbol akademiyalarining U-14, U-15, U-16, U-17 yoshdagi tarbiyalanuvchilari o'rtasida O'zbekiston Chempionati tashkil etilgan bo'lib, bugun ana shu musobaqaning 7-tur o'yinlariga start berildi.
 
"A" guruhidagi 7-tur uchrashuvlarida Navoiy akademiyasi Surxondaryo akademiyasiga qarshi, Buxoro Xorazm viloyati akademiyasi jamoasiga qarshi, Qashqadaryo viloyati esa Qoraqalpog'istor Respublikasi akademiyasiga qarshi maydonga tushadi. "A" guruhida 7-turda Samarqand akademiyasi dam oladi.   
 
"B" guruhida 7-turda Toshkent viloyati akademiyasi Namangan viloyati akademiyasiga qarshi, Andijon viloyati Sirdaryo viloyat akademiyasiga qarshi, Farg'ona viloyati Jizzax bolalar-o'smirlar akademiyasiga qarshi bahs olib boradi. Bu guruhda 7-turda Toshkent shahri akademiyasi dam oladi.