«Liverpul» EChLda g'olib chiqsa, «Roma»ga 5 million evro to'laydi

Bugun «Liverpul» klub Evropa chempionlar ligasi g'olibligini qo'lga kiritsa, «Roma» qo'shimcha daromadga ega bo'ladi.

Mersisaydliklar "bo'rilar"dan hujumchi Muhammad Saloh va darvozabon Alisonni xarid qilayotganida shartnomada qo'shimcha band bo'lib, unga ko'ra, agar "Liverpul" EChLda g'olib chiqsa, "Roma"ga qo'shimcha bonus to'lashi ko'zda tutilgan.

Shu paytgacha bonus miqdori ma'lum qilinmagan. Ammo bu summa 5 million evroni tashkil qilishi taxmin qilinmoqda.