Gattuzo «Latsio» bilan muzokara olib bormoqda

«Milan» klubi sobiq bosh murabbiyi Jennaro Gattuzo «Latsio»ni boshqarishi mumkin. Rimliklar 41 yoshli mutaxassis bilan aloqaga chiqib, hamkorlik masalasini muhokama qilishdi.

«Latsio» bosh murabbiyi Simone Indzagi yozda jamoani tark etishi mumkin. Uning klub bilan yana bir yillik shartnomasi mavjud.

Hozirda boshqa jamoalardan Indzagiga takliflar tushgan. Shu bois, murabbiy «Latsio» rahbariyatiga murojaat qilib, hamkorlikni davom ettirish borasida yakuniy qarorga kelish uchun vaqt so'radi.

Gattuzo ushbu haftada «Milan»dan iste'foga chiqarildi. "Rossoneri" uning qo'lostida A seriyani 5-o'rinda yakunladi va EChL yo'llanmasini qo'lga kirita olmadi.