Andrey Shipilov: Bugun 3 nafar yosh futbolchi debyut qildi

O'zbekiston Liga Kubogining 1-turidan o'rin olgan “Metallurg” – “Bunyodkor” uchrashuvidan so'ng mezbonlar ustozi Andrey Shipilov quyidagicha fikr bildirib o'tdi:

- Birinchi bo'limni ancha yaxshi o'tkazdik, hujumlar tashkil etdik, xavfli vaziyatlar yaratildi va raqib o'yinchisini o'z darvozasini ishg'ol etishga majburlay oldik. Lekin ikkinchi taym haqida bunday gapira olmayman. Ikkinchi bo'limda raqib jamoada 3 ta 100 foizli qulay imkoniyat yuzaga keldi. Bugun biz butun o'yin davomida g'alabaga to'la haqli o'yin namoyish etdik, deya olmayman. Tarkibda amalga oshirilgan almashtirishlar ham bugun o'zini u qadar oqlamadi. Faqatgina xursand qilgan bitta jihati shuki – bugun jamoamizda 3 nafar yosh futbolchi debyut qilishdi, - dedi mutaxassis.