"Metallurg" Liga Kubogini "Bunyodkor" ustidan g'alaba bilan boshladi

Yangi mavsumdan e'tiboran Superliga hamda Pro liga klublari o'yinlari sonini oshirish maqsadida tashkil etilgan Liga Kubogini Bekobodning “Metallurg” jamoasi o'z maydonida poytaxtning “Bunyodkor” jamoasiga qarshi boshladi.

Xabaringiz bor, bir hafta muqaddam ushbu jamoalarning Superliga doirasida o'tgan o'yinida “qaldirg'ochlar” g'alaba qozonishgandi. Bu safar esa “Bekobod yo'lbarslari” revansh olishdi. O'yin taqdirini hal etgan yagona gol 11 daqiqada Sergey Proxorov tomonidan kiritildi. Sergey Bahrom Abdurahimovning ta'qibidan qochib to'pni darvozabonga uzatgandi. Abdumavlon Abdujalilov esa bo'sh o'yinchilarini qidirgunicha to'p uning oyoqlari tagidan o'tib, darvoza chizig'ini kesib o'tdi – 1:0.

O'yinning qolgan daqiqalari ham juda qiziqarli va murosasiz o'tgan bo'lsa-da, hisob boshqa o'zgarmadi.

O'zbekiston Liga Kubogi, 1-tur
METALLURG – BUNYoDKOR – 1:0.

Bekobod. “Metallurg” stadioni. 31 may, juma
Hakamlar: Shavkat Nasibullaev, Rasul Fozilov, Maksim Nexochin, Husan Xudoyberdiev
Nazoratchi: Sulton Zaylobiddinov
Komissar: Jahongir Rahmatullaev
Gol: Sergey Proxorov (11-a).

“Metallurg”: 12. Aleksandr Lobanov, 5. Abbos Otaxonov, 9. Mahmud Qudratullaev (15. Zohid Abdullaev, 46), 11. Bahrom Abdurahimov, 17. Muzaffarjon Muzaffarov, 19. Doniyor Usmonov (7. Suhrob Nurulloev, 67), 22. Shahzodbek G'ofurbekov, 28. Stanislav Andreev, 33. Odilbek Abdumajidov (77. Muhammad Isaev, 72), 55.Akbarjon Ismatullaev, 70. Sergey Tumasyan.
Zahira: 1. Zafar Safaev, 10. Islombek Isoqjonov, 14. Abrorbek Toshqo'ziev, 18. Shavkat Mullajonov, 20. Xudoyshukur Sattorov, 85. Bahodir Pardaev.

“Bunyodkor”: 1. Abdumavlon Abdujalilov, 2. Kemran Najafaliev, 4. Sergey Proxorov, 13.Lutfulla To'raev, 20. Vladislav Nuriev, 23. Sanjar Rixsiboev, 26. Ulug'bek Abdullaev, 34. Suhrob Izzatov, 37. Muhammadodil Qahramonov, 48. Valeriy Akopov.
Zahira: 74. Eldar Adxamov, 6. Anvar G'afurov, 7. Dilshodbek Ahmadaliev, 9. Sardorbek Azimov, 11. Javohir Qahramonov, 18. Jahongirbek Abdusalomov, 33.Diyorbek Rahimqulov, 49. Farrux Ikramov, 70. Nodirbek Mavlonov.