Liga kubogi. "Nasaf" "Navbahor" ustidan yirik hisobda g'alaba qozondi

Liga kubogi doirasida yana bir uchrashuv Qarshida bo'lib o'tdi. Unda “Nasaf” klubi “Navbahor” bilan o'ynadi va yirik hisobdagi g'alabani qo'lga kiritdi.

Uchrashuvning 21-daqiqada Humoyun Murtozaev namanganliklar darvozasini ishg'ol qildi, oradan bir daqiqa o'tar-o'tmas Murtazoev dublini nishonadi. Mazkur gollar urilganidan ko'p o'tmay Aziz Ibragimov hissiyotlarini jilovlay olmadi va raqib futbolchisini turgani uchun maydondan chetlatildi.

Ikkinchi bo'lim debyutida Umar Eshmurodov penaltini aniq bajarib, hisobni yirik ko'rinishga olib keldi. 80-daqiqada mehmonlarda ikkinchi chetlatish ro'y berdi. G'iyos Komilov ikkinchi sariq kartochkasini olib maydonni tark etdi. O'yin yakunlanishi arafasida Xudoyoxon Sa'dullaev jamoasining tshrtinchi golini urdi.

Liga Kubogi, 1-tur

“Nasaf” – “Navbahor” 4:0 (2:0, 2:0)

Gollar: 1:0 - 21 Murtozaev, 2:0 - 22 Murtozaev, 3:0 50, penalta Eshmurodov, 4:0 – 89 Sa'dullaev.

"Nasaf": Abduvohid Ne'matov, Humoyun Murtozaev, Jo'rabek Mannonov, Alisher Yusupov, Doniyor Narzullaev (Xudoyoxon Sa'dullaev, 77), Bobir Davlatov (Sardor Sa'dullaev, 77), Sardor Abduraimov, Akmal Mozgovoy, Islom Rashidxonov, Sherzod Nasrullaev, Umar Eshmurodov.

"Navbahor": Mirzohid Mamatxonov, Aziz Ibragimov, Slavko Lukich (Mirzohid G'ofurov, 56), Shahzod Shaymanov, Bahodir Nasimov, Igor Golban, Xojiakbar Yunusov, Abdujamol Isroilov, G'iyos Komilov, Ulug'ek Aknazarov (Shohruhmirzo Ahmadaliev, 46), Zafar To'raev

Ogohlantirishlar: Mozgovoy (23), Komilov (49), Isroilov (84).

Chetlatishlar: Ibragimov (23), Komilov (80).