Saloh: «Keyn – Angliya futbolidagi eng yaxshi to'purar edi, men APLga kelgunimga qadar...»

«Liverpul» hujumchisi Muhammad Saloh Evropa chempionlar ligasi finali oldidan «Tottenxem» forvardi Xarri Keyn haqida o'z fikrlarini bildirib o'tdi.

«Keyn finalni o'tkazib yuborishini istaymanmi? Nima uchun bunday savol beryapsiz, so'rasam maylimi?

Uning maydonga tushishi istayman. Barchamiz o'yinga tayyor bo'lishimiz kerak. Eng kuchli futbolchilarga qarshi o'ynar ekansan, bu yaxshi musobaqa ekanini his qilasan.

Xarri Keyn – yaxshi o'yinchi. U buni ancha yillardan beri isbotlab kelmoqda. U jamoasining eng yaxshi to'purari. U Angliya futbolida ham eng yaxshi to'purar edi, lekin men kelguncha. Uzr! Xo'sh, finalda o'ynash yaxshi. Bu meni katta maqsadlar sari etaklaydi», – dedi Saloh.

«Tottenxem» – «Liverpul» o'yini 1 iyun kuni Madriddagi «Vanda Metropolitano» stadionida bo'lib o'tadi. Uchrashuv Toshkent vaqti bilan 00:00da boshlanadi.

Saloh 2017 yilda «Roma»dan «Liverpul»ga o'tgan. U ikki mavsum davomida APL doirasida 74ta o'yinda maydonga tushib, 54ta gol urdi. Keyn esa ikki yil davomida 65ta o'yinda 47ta to'p kiritdi.