Umid Ahmadjonov Turkiyaning O'zbekistondagi favqulodda va muxtor elchisi bilan uchrashdi

O'zbekiston milliy terma jamoasi 2 iyun kuni Alanya shahrida Turkiya milliy terma jamoasiga qarshi baxs olib borishidan xabaringiz bor. Ana shu o'yin oldidan bugun O'FA birinchi vitse-prezidenti Umid Ahmadjonov Turkiyaning mamlakatimizdagi favqulodda va muxtor elchisi janob Mehmet Sureyya Er bilan uchrashdi.

Uchrashuv davomida Umid Ahmadjonov O'zbekiston Respublikasi Prezidenti Shavkat Mirziyoev tomonidan mamlakatimizda futbolni rivojlantirishga katta e'tibor qaratilayotgagini, buning natijasida futbol rivoji yulida katta isloxotlar amalga oshirilayotganini ta'kidlab utdi. Shuningdek, uchrashuv davomida ikki mamlakat futbol assotsiatsiyalari o'rtasidagi hamkorlik masalalarini kuchaytirish, murabbiylik sohasi bo'yicha tajriba almashish, kelgusida Turkiya va O'zbekistonning turli yoshdagi terma jamoalari o'rtasida o'rtoqlik uyinlarini tashkil qilish  mavzusida muhokamalar o'tkazishdi.

Shuningdek, uchrashuv davomida Umid Ahmadjonov elchi janoblariga o'zbek futboli tarixi xaqida so'zlab berib, yorqin lahzalar aks etgan tarixiy suratlarni namoyish qildi.

Uchrashuv so'nggida elchi janoblariga O'zbekiston futbol assotsiatsiyasi tomonidan esdalik sovg'alari taqdim qilindi.