Kafu "Milan"ning 2005 yilda EChL finaliga oid bir sirini ochdi

"Milan"ning sobiq himoyachisi Kafu 2005 yilda EChL finalida "Liverpul" bilan o'yinni esladi.

Eslatib o'tamiz, o'shanda milanliklar birinchi bo'limda 3:0 hisobidagi g'alaba bilan chiqib ketgan, so'ng ikkinchi bo'limda angliyaliklar hisobni tenglashtirgan. Yakunda penaltilar seriyasida "Liverpul"ning qo'li baland kelgan.

"Tanaffusda g'alabani nishonlaganimiz rost. Biz "Liverpul"ga uchta ajoyib gol urgandik. Bu bizning kunimiz deb o'yladik, keyin bo'shashdik. Birinchi ikki golni urishganida biz bosimni his qila boshladik. Uchinchi golni urishganida bunga ishona olmadik.

Bu "Milan"ning aybi emasdi - "Liverpul" bu kambekka munosib edi. "Liverpul"ga qoyil qolaman: boshqa jamoa buni uddalay olmagan bo'lar edi", - eslaydi Kafu.