Rednapp EChL finalida bu jamoa g'alabasiga ishonch bildirdi

Angliyalik murabbiy Xarri Rednapp Evropa chempionlar ligasi finali oldidan qaysi jamoa yutishi mumkinligini taxmin qilib ko'rdi.

"Menda shunday sezgi uyg'onganki, "Tottenxem" Evropa chempionlar ligasida g'olib chiqadi. Pley-off bosqichi davomida bir necha marta "shporlar" musobaqani tark etishi mumkinligi haqida hissiyot uyg'ongan edi. Ammo aniq zarbalar va hujumning yakunlovchi qismidagi samarali harakat ularni qutqarib qoldi. Nazarimda, ushbu mavsum "Tottenxem"ga ataladi. Lekin menga har ikkala klub yoqadi", - dedi Rednapp.

Ma'lumot o'rnida: Xarri Rednapp 2008-2012 yillarda "Totenxem" klubini boshqargan.

Eslatib o'tamiz, "Liverpul" - "Tottenxem" o'yini ertaga, 1 iyun kuni Madriddagi "Vanda Metropolitano" stadionida bo'lib o'tadi.