«Liverpul» Klopp bilan shartnomani uzaytiradi

"Liverpul" rahbarlaridan biri Tomas Verner yaqin kunlarda bosh murabbiy Yurgen Klopp bilan shartnoma uzaytirilishini ma'lum qildi. Eslatib o'tamiz, germaniyalik mutaxassis 2015 yining oktyabr oyidan buyon "Liverpul"ni boshqarib kelmoqda.

"Ushbu mavzuni oldida muhokama qilmoqchi emasmiz. Ammo murabbiyga nisbatan munosabatimizni barcha juda yaxshi biladi. Shu paytgacha u bilan shartnomani 2 marta uzaytirdik", - dedi Verner.

Ma'lumot o'rnida. Yurgen Klopp ikkinchi marta jamoani EChL finaliga olib chiqdi, ammo u "Liverpul" bilan hali birorta sovrin qo'lga kirita olmagan. Mersisaydliklar ertaga EChL finalida "Tottenxem" bilan to'qnash kelishadi.