Konte nima uchun «Inter»ni tanlaganiga izoh berdi

"Inter" klubi yangi bosh murabbiyiga aylangan Antonio Konte o'z fikrlari bilan o'rtoqlashdi.

"Hayotimda yangi bosqich boshlanmoqda. Hayajondaman. Klub prezidenti va direktori tomonidan menga bildirilgan ishonchni o'z ishim orqali oqlashga harakat qilaman.

Nima uchun "Inter"ni tanladim? Boisi, klub mustahkam baza, ambitsiya va boy tarixga ega. Klubni yuqori pog'onalarga qaytarish istagi kuchli ekani meni hayratga soldi", – dedi Konte "Inter" rasmiy saytiga bergan intervyusida.

Italiyalik mutaxassisning so'nggi ish joyi "Chelsi" bo'lgan edi. Ma'lumotlarga qaraganda, Konte "Inter" bilan 3 yillik shartnoma imzolagan.