Lukaku "MYu"dan ketishga yaqin turibdi

"Manchester Yunayted" rahbariyati Romelu Lukakuni sotishga tayyor. Bu haqda "Goal.com" xabar berdi.

Manbaga ko'ra, "qizil iblislar" rahbariyati Romeluni yangi mavsumda jamoada ko'rmayapti, shuning uchun allaqachon futbolchining transferi borasida "Inter" bilan muzokara boshlangan. O'z navbatida "neradzurrilar" belgiyalik futbolchi bilan 5 yillik shartnoma imzolashga tayyor.

Lukakuning o'zi ham Ule Gunnar Sulsher bilan kelisha olmayapti va faoliyatini A seriyada davom ettirishga qarshi emas.