"Chelsi" evrosovrinlar miqdori bo'yicha Angliya klublari orasida ikkinchi bo'lib oldi

Evropa ligasi finalida "Arsenal"ni mag'lub etgan (4:1) "Chelsi" o'z tarixida oltinchi evrosovrinni qo'lga kiritdi.

London klubi Evrokuboklardagi g'alabalar soni bo'yicha "Manchester Yunayted"ga tenglashib oldi. Angliya klublari orasida bu borada "Liverpul" etakchi - 11.

"Chelsi" Evropa ligasi va Kubok egalari kubogida ikki martadan, shuningdek, EChL va UEFA Superkubogida bir martadan g'olib bo'lgan. Londonliklar yangi mavsum oldidan UEFA Superkubogini qo'lga kiritsalar ikkinchi o'rinda yagona bo'lib olishlari mumkin. Ular "Liverpul" - "Tottenhem" uchrashuvi g'olibi bilan o'ynaydilar.

"Chelsi" Evropa ligasi g'olibi bo'lib, EChL yangi mavsumining guruh bosqichi yo'llanmasini qo'lga kiritdi. Angliya chempionatida uchinchi o'rin bilan kifoyalandi.