Kun yangiligi! Pepe "Barselona"ga o'tishi mumkin, ammo...

Xorij nashrlarida Portugaliya terma jamoasi himoyachisi Pepe “ko'k anor ranglilar” tarkibiga kelib qo'shilishi haqida xabarlar tarqaldi.   Turkiyaning “Beshiktosh” klubi bilan shartnoma muddati yakunlangan himoyachi hozirda erkin agent sanaladi. Unga himoyada taqchillik vujudga kelgan jamoalardan, xususan, “Barselona”dan ham qiziqishi bor. Biroq ushbu transfer amalga oshishiga kataloniyaliklar sardori Lionel Messi qarshilik qilgan. Asosiy sabab sifatida Messi Pepeni 35 yoshda ekani va bundan avval 10 yil davomida azaliy raqib “Real”da to'p surganini keltirgan.   Eslatib o'tamiz, portugaliyalik 2007-2017 yillar davomida Madridning “Real” jamoasi tarkibida harakat qilgan. Futbolchi o'z terma jamoasi bilan 2016 yilda Evropa chempionligini qo'lga kiritgan edi.