Shuhrat Muhammadiev: «Meni qo'llab turganlarning barchasiga rahmat»

Superliganing 10-turida «Nasaf»ga qarshi uchrashuvda jiddiy jarohat olgan «Lokomotiv» futbolchisi Shuhrat Muhammadiev o'zining holati haqida gapirdi.

Eslatib o'tamiz, Shuhrat bahsning 31-daqiqasida jarohatlanib, shifoxonaga olib ketilgandi.

- Assalomu alaykum, futbol ishqibozlari, barcha do'stlarim. Meni qo'llab-quvvatlab turganingiz uchun minnatdorlik bildiraman. Tez fursatda maydonga qaytishga harakat qilaman. Menga bildirilayotgan e'tibor uchun katta rahmat!