«Barselona» hali Valverdening kelajagi borasida bir qarorga kelmadi

«Barselona» rahbariyati bosh murabbiy Ernesto Valverdening kelajagi borasida hali bir to'xtamga kelmadi.

Avvalroq matbuotda "ko'k-anorranglilar" ikki kun ichida 55 yoshli mutaxassisning iste'fosini e'lon qilishi mumkinligi haqida xabar tarqatilgandi. Mundo Deportivo tarqatgan xabarga ko'ra, jamoa rahbariyati hozircha vaziyatni muhokama qilmoqda. «Barselona» prezidenti Jozep Bartomeu jamoa direktorlar kengashi a'zolari bilan uchrashganidan keyin yakuniy qarorga kelinadi.

Kataloniyaliklar Valverde qo'lostida ikki marta Ispaniya chempionligini qo'lga kiritib, bir marta Ispaniya kubogiga ega chiqishdi. Jamoa Evropa chempionlar ligasining chorak final va yarim finalda o'z yurishini to'xtatdi.