Bokudagi musobaqada yosh bokschilarimiz 8 ta oltin medalga sazovor bo'lishdi

Ozarbayjon poytaxti Boku shahri 24-27 may kunlari boks bo'yicha yana bir xalqaro musobaqaga mezbonlik qildi. “Geydar Alievning 96 yilligi”ga bag'ishlab tashkil etilgan nufuzli musobaqada ishtirok etgan yosh bokschilarimiz turnirni fantastik ko'rsatkichlar bilan yakunlashdi.

Musobaqani 10 nafar bokschi bilan boshladik. Yakunda esa 8 ishtirokchimiz final bosqichiga etib bordi. E'tiborlisi, oltin medal uchun ringga ko'tarilgan yosh charm qo'lqop ustalarimizning barchasi raqiblarini mag'lub etib, musobaqaga chiroyli yakun qilib berishdi. Qolgan ikki nafar vakilimiz esa bronza medali bilan taqdirlandilar.

Oltin medal sohiblari:
-35,5 kg: Humoyunmirzo Abdurasulov
-38,5 kg: Hojiakbar Mahmudov
-40 kg: Farruh To'laganov
-41,5 kg: Jamoliddiin Xoliqov
-50 kg: Lazizbek To'lqinov
-52 kg: Dalerjon Bozorov
-57 kg: Jahongir Narziev
-59 kg: Abdulaziz Abdurahmonov

Bronza medali egalari:
-46 kg: Boburbek Bobojonov
-54 kg: Jasurbek Mo'minov