Mahmud Muradov UFC ishtirokchisiga qarshi jang o'tkazadi

Aralash jang san'ati bo'yicha o'rta (-84 kg) vazn toifasida oktagonga chiqadigan o'zbekistonlik Mahmud Muradov (20-6, 13 KO) 8 iyun kuni navbatdagi jangini o'tkazdi. Bu haqda Worldnews.uz axborot agentligi xabar bermoqda.

OKTAGON 12 turniri doirasida tashkil etilgan mazkur jangda Muradovga braziliyalik Alberto Emiliano Pereyraga (13-3, 11 KO) qarshi oktagonga chiqadi. Mazkur jang Slovakiya poytaxti Bratislavada bo'lib o'tadi.

Ma'lumot o'rnida, “Uda” laqabli Pereyra 34 yoshda bo'lib, mazkur sport turining eng nufuzli yo'nalishi sanalgan UFC’ning sobiq ishtirokchisi sanaladi. UFC’da ikkita jangda ishtirok etgan sportchi ularning ikkalasida ham imkoniyatni boy bergan.

2016 yilda Konor Makgregor va Diaz o'rtasidagi markaziy jangning anderkartida oktagonga chiqib Marvin Vettoriga imkoniyatni boy berib qo'ygandi.

Mahmud Muradov so'nggi marta 6 aprel kuni ispaniyalik Tato Primerani (7-7, 5 KO) 1 raunddayoq nokaut evaziga mag'lubiyatga uchratgan va ushbu g'alabasi uchun WASO chempionlik kamarini qo'lga kiritgandi.