Ronaldu A seriyaning ramziy terma jamoasiga kiritilmadi

Sport tahlili bilan shug'ullanadigan xalqaro kompaniya — "Opta" A seriyaning joriy mavsumdagi ramziy terma jamoasini tuzdi.

Terma jamoaga "Napoli" va "Atalanta"dan uchtadan futbolchi kiritilgan bo'lsa, "Yuventus"ning ikkita futbolchisi loyiq ko'rildi. Shuningdek, "Inter", "Latsio" va "Roma"dan bittadan futbolchi ramziy termadan joy oldi. Qizig'i, turinliklar etakchisi Krishtianu Ronaldu ramziy termaga kiritilmadi.

Darvozabon: Samir Xandanovich («Inter»).

Himoyachilar: Joau Kanselu («Yuventus»), Kalidu Kulibali («Napoli»), Franchesko Acherbi («Latsio»), Aleksandar Kolarov («Roma»).

Yarim himoyachilar: Alexandro Gomes («Atalanta»), Miralem Pyanich («Yuventus»), Fabian Ruis («Napoli»).

Hujumchilar: Yosip Ilichich, Duvan Sapata (ikkalasi ham «Atalanta»), Dris Mertens («Napoli»).

Ma'lumot uchun, Ronaldu yakunlangan mavsumda 31 ta o'yinda 21 ta gol urdi va 11 ta golli uzatmani amalga oshirdi.