Prevyu. «Nasaf» – «Lokomotiv»

25-may kuni Coca-Cola Superligasi 10-turiga start beriladi.

“Ajdarlar” Coca-Cola Superligasi 10-turida Toshkentning “Lokomotiv” jamoasini qabul qilishadi.

Bu jamoalar jamoalari o'rtasidagi har bir uchrashuv muxlislar o'rtasida katta qiziqishlarga sabab bo'lgan.

“Nasaf” – “Lokomotiv” uchrashuvi 26-may yakshanba kuni Qarshi “Markaziy” stadionida bo'lib o'tadi. Uchrashuv soat 19:00 da boshlanadi.

O'zaro uchrashuvlar tarixidan

Mazkur klublar Oliy ligada shu kungacha 28 bor kuch sinashishgan. Natijalar jamoamizning ustunligini ko'rsatmoqda. Bo'lib o'tgan 14 uchrashuvda “Nasaf”, 9 o'yinda esa “Lokomotiv” g'alabaga erishgan. 5 uchrashuvda durang natijasi qayd etilgan. To'plar nisbati 40:31 ga teng. Ustunlik “Nasaf” tarafida.

O'zaro uchrashuvlarda qayd etilgan eng yuqori hisoblar quyidagicha: “Nasaf” – “Lokomotiv” 5:1, “Lokomotiv” – “Nasaf” 2:5.

"Nasaf" so'nggi o'zaro uchrashuvni 2018 yil 18 iyul Toshkentda o'tkazgan. Bu uchrashuv 3:1 hisobida yakunlangan.

Qarshidagi o'zaro bahslarga oid.

Ushbu jamoalar shu paytgacha Qarshida 14 bor kuch sinashishgan. 10 uchrashuvda jamoamiz g'alaba qozongan. Uch uchrashuvda mag'lubiyatga uchragan va bir uchrashuvda kuchlar teng kelgan. Darvozalarga jami 44ta to'p kiritilgan. To'plar nisbati 28:16.

E'tiboringizga, Qarshida bo'lib o'tgan so'nggi besh uchrashuvning natijalarini havola qilamiz.

11.04.2018 Nasaf – Lokomotiv 2:1
16.09.2017 Nasaf – Lokomotiv 2:0
16.06.2016 Nasaf – Lokomotiv 1:2
01.05.2015 Nasaf – Lokomotiv 1:0
10.08.2014 Nasaf – Lokomotiv 2:5