Buxoro viloyati bolalar-o'smirlar futbol akademiyasida hakamlik mavzusiga bag'ishlangan seminar bo'lib o'tdi

O'zbekiston futbol assotsiatsiyasi tomonidan hududiy bolalar-o'smirlar futbol akademiyalari tarbiyalanuvchilari orasida futbol hakamligi bilan shug'ullanish istagida bo'lgan yoshlarni har tomonlama qo'llab-quvvatlash, xalqaro musobaqalarda faoliyat olib boradigan iqtidorli hakamlarni hozirdan tayyorlab borish maqsadida bir qator chora-tadbirlar amalga oshirilmoqda.

Aynan shu maqsadda Buxoro viloyati bolalar-o'smirlar futbol akademiyasida shu mavzuda seminar tashkil qilindi. Seminarni tajribali mutaxassis Bobur Qodirov olib bordi.

Seminar davomida akademiya tarbiyalanuvchilariga hakamlik kasbining o'ziga xos tomonlari haqida gapirib berildi. Shuningdek, hakamlik bilan shug'ullanishni istagan tarbiyalanuvchilar qaysi jihatlarga e'tibor qaratishlari zarurligi ta'kidlanib, hakamlik uchun nomzodlarni tanlab olishda e'tibor qaratiladigan mezonlar haqida tushuntirish berildi.  

Uchrashuv davomida akademiya tarbiyalanuvchilari o'zlarini qiziqtirgan savollar bilan  murojaat qilishdi va tegishli javoblar olishdi.