Davron Fayziev: «Bugungi o'yin ishqibozlarga manzur bo'ldi, deb o'ylayman»

“Dinamo” – “Qizilqum” uchrashuvidan so'ng mezbonlar ustozi Davron Fayziev quyidagicha fikr bildirib o'tdi: 

- Bugun jamoalar maydonda namoyish etgan chiroyli futbol avvalo ishqibozlarga manzur bo'ldi, deb o'ylayman. “Qizilqum” jamoasi tarkibi tajribali o'yinchilardan iborat ekanligi sabab bugun bizni o'z xatolarimiz evaziga jazolay oldi. Uchrashuvdan avval raqib o'yinini tahlil qilgan edik, lekin ular bugun butkul o'zgacha o'yin ko'rsatishdi. Yakunda jangovar durang qayd etildi. Yigitlarimiz bugun maydonda borlarini berib harakat qilishdi. Hozircha ko'nglim to'lmayotgan bitta jihat – yaratilayotgan qulay imkoniyatlardan unumli foydalanish ko'rsatgichimiz past. Bugun 2 ta gol urgan bo'lsak-da, o'z darvozamizdan ham 2 ta gol o'tkazib yubordik. Agar musobaqa jadvalida yuqoriroqda joylashishni istasak, o'z darvozamizni daxlsiz saqlashimiz ham lozim, - dedi mutaxassis.