O'FA Turkiya – O'zbekiston uchrashuviga boradigan muxlislarga bepul chipta tarqatadi

Xabaringiz bor, joriy yilning 2 iyun kuni O'zbekiston milliy terma jamoasi safarda Turkiyaga qarshi o'rtoqlik o'yini o'tkazadi.     Muxlislar o'rtasida mazkur o'yinga qiziqish katta ekani hech kimga sir emas. Bu O'zbekiston milliy terma jamoasining Turkiyaga qarshi o'z tarixidagi birinchi o'yini bo'ladi.

Ana shu tarixiy o'yinda milliy terma jamoamizni qo'llab-quvvatlab turish uchun ayni kunlarda Turkiyada xizmat safarida bo'lib turgan yoki mehnat faoliyati olib borayotgan barcha vatandoshlarimizni Alanya shahridagi "Alanya stadium" o'yingohiga chorlab qolamiz. 

O'zbekiston futbol assotsiatsiyasi tomonidan Turkiya - O'zbekiston o'rtoqlik o'yinini tomosha qilish uchun stadionga tashrif buyuradigan o'zbekistonlik muxlislar uchun 100ta chipta bepul taqdim qilinadi. Eslatib o'tamiz, o'yin 2 iyun kuni "Alanya stadium" o'yingohida mahalliy vaqt bilan soat 21:00da (Toshkent vaqti bilan soat 23:00da)boshlanadi.   Chiptalarni qachon va qaerdan olib ketish bo'yicha batafsil ma'lumot uchun quydiga telefon raqamiga telegram ijtimoiy tarmog'i orqali murojaat qilishingiz mumkin: +998935729737    Barcha muxlislarni stadionga chorlab qolamiz!