Shohjahon Ergashevning navbatdagi raqibi ma'lum

Professional boksda o'zining o'n ettinchi jangini o'tkazishga tayyorlanayotgan bokschimiz Shohjahon Ergashev 9 iyun kuni ringga ko'tariladi.   Rossiya poytaxtida tashkil etiladigan jangda Shohjahonga puerto-rikolik Danielito Zorrilla raqiblik qiladi. Danielito shu paytgacha 11 bor ringga ko'tarilgan va barchasida g'alabaga erishgan. Janglarning 9 tasida esa raqiblarini nokautga uchratgan.   Ta'kidlash joiz, avvalroq bokschimiz amerikalik charm qo'lqop ustasiga qarshi bahs olib borishi haqida aytgandi. Biroq kelishuv amalga oshmagach, ushbu raqib varianti munosib ko'rildi.