“Qo'qon-1912” No''mon Hasanov va 2 nafar legioner bilan shartnomani bekor qildi

Coca Cola Superliganing 2019 yilgi mavsumida u qadar muvaffaqiyatli odimlay olmayotgan “Qo'qon-1912” futbol klubi bosh murabbiy No''mon Hasanov bilan tuzilgan shartnomani bekor qildi.

Klub shuningdek, ikki nafar legioner futbolchilar – Boyan Knejevich hamda Milosh Nikolich bilan ham xayrlashishga qaror qildi. Natijada Qo'qon shahri jamoasi No''mon Hasanov, Boyan Knejevich hamda Milosh Nikolichni PFL ro'yxatidan chiqardi.

Ta'kidlash joiz, No''mon Hasanov 2016 yilning 2-davrasidan boshlab “Qo'qon-1912”ni boshqarib kelayotgan edi.