5 ta gol va sovrin naqd

Evropada milliy chempionatlarning navbatdagi mavsumi yakunlanar ekan, «Oltin butsa» sovrini uchun ikki da'vogar yaqqol ajralib qoldi.

Bular — «Barselona» sardori Lionel Messi va «PSJ» hujumchisi Kilian Mbappe. Mbappening Frantsiya chempionatidagi gollari soni 32taga etdi.

Messi esa La Ligada 36ta gol urdi. «Oltin butsa» sovrinini so'nggi ikki yilda Messi qo'lga kiritgan. Ushbu sovrinlar bo'yicha ham Lionel rekordchi hisoblanadi — 5 marta (Ronaldu hisobida 4ta «butsa» bor).

Demak, argentinalik futbolchi ushbu mavsumda oltinchi «Oltin butsa»ni o'z muzeyiga qo'shib qo'yishi mumkin. Mbappe mazkur sovrin uchun oxirigacha kurashishini aytdi. «Ha, «Oltin butsa» uchun kurashaman.

Menda hali 90 daqiqa bor, hech narsa yo'qotilgani yo'q», — dedi 20 yoshli futbolchi. Agar u Messini ortda qoldirmoqchi bo'lsa, Frantsiya chempionatining so'nggi turida «Reyms» darvozasiga kamida 5ta gol urishi kerak.