Konte sudda yutib chiqdi, "Chelsi" unga tovon pulini to'laydi

"Chelsi"ning sobiq bosh murabbiyi Antonio Konte o'tgan yilgi iste'fosi bo'yicha sudda klubni engdi.

"Chelsi"ga italiyalik mutaxassis uchun 9 mln funt tovon pulini to'lash majburiyati qo'yildi.

Har ikki tomon sud qarorini oldi, qaror uch kishidan iborat kollegiya tomonidan chiqarildi. "Chelsi" apellyatsiya bermoqchi emas.

Shu tariqa, "Chelsi"ning 2003 yilda Roman Abramovich klubni sotib olganidan buyon iste'foga chiqarilgan murabbiylarga to'lagan ovon pullari 90 mln funtdan oshib ketdi.

Konte 2016 dan 2018 yilgacha "Chelsi"ni boshqargan va shartnomadan ko'rsatilgan muddatdan bir yil avvalroq iste'foga chiqarilgan.