Neymar "PSJ"da asosiy yulduz. Mbappe yana nimalardan norozi?

"PSJ" hujumchisi Kilian Mbappe bilan jamoa bosh murabbiyi Tomas Tuxel o'rtasida kelishmovchilik mavjudligi aytilmoqda.

Le Parisien xabariga ko'ra, umuman olganda ularning o'rtalarida muunosabalar normal, ammo Mbappe jamoa ustozi Neymarni asosiy yulduz deb hisoblayotganidan norozi.

Mbappe mashg'ulotga kech qolgani uchun "Marsel" bilan o'yinda qatnashmagan va 180 ming evro jarimaga tortilgan. Mbappe Neymarga bunday sanktsiya qo'llanishiga shubha bilan qaraydi.

Bundan tashqari, Mbappe "Strasburg" va "Nant" klublariga qarshi o'yinlarda asosiy tarkibdan tushmaganidan norozi. Bu unga "Oltin butsa"ni qo'lga kiritishida yordam bergan bo'lar edi.