Inesta: "Men tushkunlik va ruhiy kasallik har qanday odamda sodir bo'lishi mumkinligini angladim"

Maydondagi ajoyib ijodkor, “Barselona” va Ispaniya terma jamoasi afsonasi Andres Inestaning kundalik hayotida o'ziga xos muammolari bor edi. Xususan, Inesta ruhiy tushkunlik bilan qanday kurashishga harakat qilgani haqida gapirdi.

"Tushkunlikka tushganimda, qila oladigan eng yaxshi narsa tabletkalarni ichish va uxlash edi. Men yashash istagini yo'qotdim. Xotinimni quchoqladim, lekin hech narsani sezmadim. O'n yil o'tdi, lekin yana bu holatga tushib qolmaslik uchun men hali ham mutaxassislarning yordamiga muhtojman. Men tushkunlik va ruhiy kasallik har qanday odamda sodir bo'lishi mumkinligini angladim”, — dedi futbolchi The Wild Project bilan suhbatda.