FIFA JCh-2022da ishtirok etadigan futbolchilarning klublariga qancha tovon puli to'lashi ma'lum qilindi

Xalqaro futbol federatsiyasi (FIFA) 2022 yilda Qatarda bo'lib o'tgan Jahon chempionatida futbolchilarning o'yinlari uchun tovon puli sifatida klublar o'rtasida 209 million dollar taqsimlaydi.

FIFA rasmiy saytida xabar qilinganidek, klublar JCh-2022 final bosqichi va rasmiy tayyorgarlik davrida tegishli futbolchining terma jamoa safida bo'lgan har bir kuni uchun taxminan 10 000 dollar olishlari mumkin bo'ladi.

Tovon puli futbolchi Jahon chempionatidan oldingi ikki yil davomida o'ynagan barcha klublarga to'lanadi.

Qayd etilishicha, ushbu tashabbusga ko'ra, 2018 yilda Rossiyada bo'lib o'tgan Jahon chempionatidan so'ng 63 a'zo assotsiatsiyaning 416 klubi o'rtasida xuddi shunday mablag' taqsimlangan.

Qatardagi Jahon chempionati 2022 yilning 20 noyabridan 18 dekabriga qadar bo'lib o'tadi.