"Latsio" g'alabali seriya qayd etmoqda

"Latsio" A Seriyada qatorasiga 4 ta o'yinda g'alaba qozondi.

Bugun bosh murabbiy Mauritsio Sarri jamoasi Italiya chempionati 9-turida “Fiorentina”ni mag'lub etdi (4:0).

Bungacha rimliklar “Verona” (2:0), “Kremoneze” (4:0) va “Spetsiya”ni (4:0) mag'lub etgandi. Bu uchrashuvlarning umumiy hisobi 14:0.

Bugungi o'yindan so'ng "Latsio" 20 ochko bilan turnir jadvalida 3-o'rinda.

Peshqadam “Napoli”da 23 ochko bor, ikkinchi o'rindagi “Atalanta”da esa 21 ochko bor.