Pioli: "Biz o'tgan hafta qayd etilgan natija tasodif bo'lganini isbotlashimiz kerak"

"Milan" bosh murabbiyi Stefano Pioli "Chelsi"ga qarshi bo'lajak o'yin haqida gapirdi.

Jamoalar Chempionlar ligasi guruh bosqichining 4-turi doirasida Milanda to'qnash kelishadi. 3-turda londonliklar o'z maydonida 3:0 hisobida zafar quchdi.

“Biz o'tgan haftadagi o'yin oddiy emas, shunchaki tasodif bo'lganini ko'rsatishimiz kerak. Londondagi uchrashuvdan juda hafsalamiz pir bo'ldi. Biz xatolarimizdan saboq olishimiz va ularni kamaytirishimiz kerak.

"Milan" shubha va xavotir bilan yashamasligi, balki o'z darajasida o'ynash uchun maydonga tushishi kerak. Xavotirlanishga hojat yo'q, ertaga boshqa o'yin va biz o'z darajamizda o'ynashga harakat qilamiz”, - dedi Pioli.

"Milan" - "Chelsi" uchrashuvi 11 oktyabr kuni bo'lib o'tadi. Boshlanishi Toshkent vaqti bilan 23:59da.