Obameyang Artetani qattiq tanqid qildi

"Chelsi" va Gabon terma jamoasi hujumchisi Per-Emerik Obameyang "Arsenal" bosh murabbiyi Mikel Artetani tanqid qildi.

"Xavi menga qo'ng'iroq qilganini eslayman. U "Arsenal"dagi muammolarim haqida bilishini aytdi. U "Barselona"ga yordam berishimni aytdi, shuning uchun men transferga rozi bo'ldim. Artetaga kelsak, u ajoyib o'yinchilarni qanday boshqarishni bilmaydi. Unga hech narsa demaydigan va tinglamaydigan yosh o'yinchilar kerak", - deya Obameyangning so'zlarini keltirmoqda Daily Mail.

Eslatib o'tamiz, 33 yoshli Obameyang 2022 yilning yanvarida Arteta bilan ziddiyat tufayli "Arsenal"ni tark etgandi.