"Barselona" La Ligada g'alabali seriyasini 7 ta o'yinga etkazdi

"Barselona" Ispaniya chempionatida ketma-ket 7 o'yinda g'alaba qozondi.

Kataloniya klubi La Liganing 8-turi doirasidagi o'yinda “Selta”ni mag'lub etdi (1:0).

Joriy mavsumda Xavi boshchiligidagi jamoa bir marta – birinchi turda “Rayo Valekano”ga qarshi o'yinda durang o'ynadi (0:0). Shundan so'ng jamoa ketma-ket etti marta umumiy 20:1 hisobida g'alaba qozondi.

"Barselona" 22 ochko bilan Ispaniya chempionati jadvalida birinchi o'rinda bormoqda.

Kataloniyaliklar uchun La Ligadagi navbatdagi o'yin 16 oktyabr kuni "Real Madrid" ga qarshi bo'ladi.