Mourinoning ishongan tog'i jarohat oldi

"Roma" hujumchisi Paulo Dibala Italiya chempionatining 9-turi doirasidagi "Lechche"ga (2:1) qarshi o'yinda jarohat oldi.

28 yoshli argentinalik futbolchi 48-daqiqada penaltini golga aylantirdi, biroq 11 metrlik zarbani tepish chog'ida jarohat oldi, shundan so'ng ikki daqiqa o'tib uning o'rniga Nemanya Matich maydonga tushdi.

Dibala joriy mavsumda “Roma” safida 11 ta o'yinda maydonga tushib, 7 ta gol urdi va 2 ta golli uzatmani amalga oshirdi.