Dzyudo: Jahon chempionatining 3-kunida 4 nafar hamyurtimizga muxlislik qilamiz

Bugun, 8 oktyabr poytaxtimizdagi muhtasham «Humo Arena» saroyida o'tkazilayotgan dzyudo bo'yicha kattalar o'rtasidagi 35-jahon chempionatining 3-kungi medallar jamg'armasi o'z egalariga topshiriladi.

Umumiy mukofot jamg'armasi bir million evroni tashkil qiluvchi dunyo birinchiligining navbatdagi kunida -57 kg vaznda ayollar hamda -73 kg vaznda erkaklar g'oliblik uchun o'zaro bahslarga kirishadi.

Bugungi bellashuvlarda hamyurtlarimizdan Shukurjon Aminova, Nilufar Ermaganbetova (-57 kg), Shahram Ahadov, Murodjon Yo'ldoshev (-73 kg) tatamiga chiqishadi.

Umid qilamizki, aynan ular yaponlar gegimonligiga barham berib, chempionlikni tantana qilishadi.

Dzyudochilarimiz raqiblari bilan quyida batafsil tanishib olishingiz mumkin:

-57 kg: Shukurjon Aminova - Adina Kochkonbaeva (Qirg'iziston)/Mimi Huh (Janubiya Korea);
-57 kg: Nilufar Ermaganbetova - Rafaela Silva (Braziliya);
-73 kg: Murodjon Yo'ldoshev - Njie Fae (Gambiya)