Amputantlar o'rtasidagi JCh. O'zbekiston terma jamoasi yarim finalda Turkiyaga yutqazdi (video)

O'zbekiston nogiron-amputantlar terma jamoasi Turkiyada bo'lib o'tayotgan Jahon Chempionati yarim finalida mezbonlarga qarshi maydonga tushdi.

O'zbekiston vakillari Turkiyaga 0:1 hisobida imkoniyatni boy berdi va final yo'llanmasini qo'lga kirita olmadi. Mezbonlar tomonidan birinchi bo'limda urilgan golga vakillarimiz javob qaytara olishmadi.

Ikkinchi yarim final bahsida Angola Gaiti ustidan 4:2 hisobida zafar quchdi. Shu bois, O'zbekiston ertaga bronza medali uchun Gaiti bilan to'qnash keladi.

Guruh bosqichida o'zbekistonliklar Polshani 3:1 hisobida, Ispaniyani 3:0 hisobida mag'lub etib, Tanzaniyaga esa 0:2 hisobida yutqazib, pley-off bosqichiga chiqqan edi. Nimchorak finalda Kolumbiya terma jamoasi ustidan 4:1 hisobida zafar quchgan. Chorak finalda esa Italiya 4:0 hisobida mag'lub etilgandi.

Amputantlar o'rtasida jahon chempionati, yarim final
7 oktyabr, juma
Turkiya – O'zbekiston 1:0